AVALIACIÓN
Tal e como expliquei nas adaptacións das programacións, o día 4 de Xuño rematamos os retos.
O 12 de Xuño (como máximo) deberás decidir que retos queres que che cualifique (dentro dos que entregaches a tempo), para iso debes ter en conta a táboa de grao de consecución dos estándares, a puntuación de cada reto, os estándares ou criterios de avaliación asignados a cada un (entregarei unha táboa diferente a cada curso ) e o teu propio criterio.
Con cales dos teus traballos estás máis satisfeito ou satisfeita? Por que estes? Cal é o criterio plástico que utilizaches para decidir? Cal é a cualificación (nota) que crees que tes en cada un?
A documentación e reflexión (avaliación final) é o final de calquera proceso creativo.
Como máximo sumarás tres puntos, así que non valerá que entregues todo, por iso falabamos de retos voluntarios. Tivestes a oportunidade de escoller cales facer.
 |
Aquí podes ver os retos e as puntuacións. Algúns retos non teñen estándares dese curso e terás que usar os teus propios criterios para a baremación. |
PARA FACILITARCHE A TAREFA FIXEN UNHA TÁBOA DE EXEMPLO DE PORTFOLIO.
Un portfolio é unha estratexia e un instrumento de avaliación, como instrumento es ti o que xestiona e compartes coa profesora. Nel se recollen evidencias e reflexións sobre o proceso de aprendizaxe.
Un portfolio é unha estratexia e un instrumento de avaliación, como instrumento es ti o que xestiona e compartes coa profesora. Nel se recollen evidencias e reflexións sobre o proceso de aprendizaxe.
Exemplo do que tedes que facer como portfolio .
Utilizarás a plantilla de táboa que che facilitarei, e igual que no exemplo incluirás as túas imaxes e explicacións.
E por último, como avaliación da tarefa dos retos propostos neste confinamento,
quero saber a
túa opinión.
Como te sentiches facendoos?
Escolle unha das seguintes imaxes e explica o porqué.
EXEMPLO en positivo.
Eu escollería o cadro onde pode verse unha rapaza ulindo unha rosa.
Cos retos sentíame así de ben, facendo algo agradable e relaxado.
EXEMPLO en negativo.
Eu escollería o último cadro onde pode verse unha rapaza vestida de branco cunhas cordas que lle impiden moverse do sitio.
Con estes retos sentín falta de liberdade á hora de escoller que e como facer as cousas.
Engade esta explicación debaixo da táboa da plantilla.
Para rematar exportarás a .pdf que enviarás a través da tarefa habilitada para isto.
Faremos un reto máis, pero xa podes ir tomando decisións.
Se tes problemas podo axudarte antes do 12 de Xuño.
