Mural de Rosalía de Castro
1º de Bacharelato de Debuxo artístico e alumnado de fp básica.
Dende a asociación mugardesa Apelón educación, e a través do departamento de Galego do centro, chegounos esta proposta que enseguida aceptamos.
Tratábase de idear e pintar un mural para conmemorar o día de Rosalía.
Foi unha proposta que, servíu para desenvolver contidos e destrezas da materia, pero tamén para unir ao alumnado nun proxecto común que aportou seguridade, confianza e un moi bo clima de aula. Recibimos a colaboración de alumnado de fp básica, que pintaban con nós unha vez por semana.
Alumnado de fp básica colaborando.
Montaxe de todo o proceso de traballo.
Acto de inauguración no instituto
Fotos do resultado
Esta imaxe está feita primeiro con lápiz de grafito e outros acuarelables, e logo pasada a vinilo onde se fconseguíu esta textura característica de pixelación dixital, aportando así un toque de modernidade á obra.
Na auga da fonte utilizamos o estarcido, fabricando a plantilla circular cun acetato.
Na fonte utilizaron esponxado para imitar a textura do granito, tan presente en Galicia.
Nesta imaxe pode verse o gran tamaño do mural que mide aproximadamente tres metros por dous de alto.
Está dividido en paneis xa que o pintamos no interior por mor das inclemencias do tempo invernal, pero a idea é colgalo nunha parede exterior do instituto.
Avaliación e coavaliación
Como a calidade da tarefa foi moi boa. Utilicei esta escala de valoración para poñer nota da tarefa e para que eles reflexionaran conscientemente sobre o traballado.
Como xa dixen ao principio, este mural facilitou o clima de aula e a autoestima individual e grupal, conclusión que sacaba en cada sesión simplemente observando, pero que rematei de verificar con esta avaliación figuro-analóxica.
Inauguración na Vila
Como o mural quedaría colgado nunha parede do recinto educativo ao que a xente da Vila non tería acceso, foi exposto tamén nun local moi céntrico para darlle así máis repercusión.
